الجمعة، 13 أبريل 2012
الثلاثاء، 3 أبريل 2012
مكتبة اليكترونية مجمعة
بسم الله الرحمن الرحيم
ازيكم اصحابى حبيت يكون الموضوع الاول فى باب التعليم هو عبارة عن هدية اقدمها لكم وهة مكتبة اليكترونية مجمعة يارب تفيدكم ...
أرجو أن تكون هذه المجموعة حازت إعجابكم وتكون مفيده فى المقام الأول لكم وتذكروا نحن من نجعل للمعلومة قيمة .....
الأحد، 1 أبريل 2012
اكلة وقت الزنقة
السلام عليكم ورحمة الله وبركاته
ازيكم ..... احنا اتفقنا ان الابداع هو انك تشوف المعلومة بشكل جديد كليا ومختلف عن اى حد صح ؟؟؟؟
اوك انا حصلى امبارح موقف تمام هاحكى وانتوا احكموا دا ابداع ولا ......
انا متعوده ان زوجى يتصل اول مايخرج من الشغل ويقولى انه جاى وبعرف ان قدامه ساعتين ونصف مده المشوار والمواصلات علشان يوصل للبيت فبابدأ اقوم اطبخ الغداء على مايوصل اوك لحد كده تمام .... اللى حصل امبارح ان زوجى اتصل بيا وقالى انا جاى وقدامى ساعة او ساعة الا ربع واوصل ؟؟؟؟؟؟؟؟؟؟!!!!!!!!!!!!!!! وعينكم ماتشوف الا النور احتست وماعرفتش اطبخ ايه ههههههههههههه وجريت كالعادة على الفريزر لاقيت " ولحسن الحظ " شوية جمبرى مايجوش ربع كيلو " مش مشكلة مافيش غير انا وهو ربنا يرزقنا باطفال ان شاء الله واعمل الاكل بدرى شوية هههههههههههه" مطولش عليكم جريت ونقعته يفك بسرعة وكان عندى " ولحسن الحظ بردو " كيس مكرونة اسباكتى فحطيت المياه تغلى وبعد ما غلت كسرت المكرونة نصفين وحاطيتها تتسلق مع رشة ملح وشوية زيت وبعد ما اتسلقت تمام ومظبوطة صفيتها بسرعة وحتة زبدة وشوية زيت وشوحتها على النار وكدة خلصت من الطبق الاساسى فاضل الجمبرى صح طيب علشان اقلية لازم اكون نقعاه قبلها بفترة فى خلطة علشان يبقالة طعم !!!! طيب كنت اعمل ايه بقى ......... فكرت فى فكريره حطيت حته صغنونة زيدة ونقطتين زيت وسخنتهم يعدين حطيت كسبرة ناشفة وكمون وملح شوية صغنونة لان الجمبرى مابيحتاج ملح كتير بس رشة صغنونة بيظبط معاكى بعدين حطيت ملعقة صلصة جاهزة ويعدين الجمبرى ورشيت علية شوية خل ونقطتين ليمون وحمرت كلة شوية لما حاسيت ان الجمبرى اتطعم بالخلطة وعلى الصينية رصيت طبق مكرونة لكل واحد فينا وطبق الجمبرى " الصغنون" وطبق المخلل وزجاجة الكاتشب ويادوب كان زوجى وصل وغير هدومة وغسل ايديتينه طبعا واكلنا بالهنا والشفا والمفاجئة ؟؟؟؟؟؟؟؟؟؟؟؟؟؟!!!!!!!!!!!!!!!!!!!!
ياااااااااااااااااااااااااااااااااااا واااااااااااااااااااااااااااااااااااااااااااااااااااااااااو الاكل كان رائع وتحفة وطعمه ماله حل رغم انى افتكست وانا بعمل الجمبرى واحتست بس طلع رائع صراحة وبشهادة زوجى هههههههههههههههههههههههههههه ايه رايكم بقى ابدعت ولا ؟؟؟؟؟؟؟؟؟؟؟؟!!!!!!!!
ملحوظة صغنونة : الصورة دى من على النت لانى طبعا مالحقتش اصور الاكلة بس هى كانت شبه كده كتير مع اختلاف الجمبرى كان احمر شوية وبالصوص بتاعه وكمان كان شوية قد دول بس للطبقين !!!!!!!!
اتمنى تكونوا استمتعتم بالموضوع
السبت، 31 مارس 2012
كن مبدعا
بسم الله الرحمن الرحيم
الإبــــــــــــداع
هو ان ترى شىء بشكل لا يراه الاخرون وتستخدم وتكون وتنشىء شىء من شىء جديد كليا على الاخرين والاهم هو ان تبدع ابداع يفيدك ويفيد الاخرين ...
واعـــــلم
أن الابداع حالة تنتاب صاحبها فيبدع فيما يمكنه ان يبدع فليس هناك حدود للابداع.
وهنا فى هذه المدونة اتمنى ان اقدم كل معلومة لدى فى كافة المجالات التكنولوجيه والعلمية و الفنية والاجتماعية وحتى المطبخية على أمل ان تفيد كل قارىء فى حالته الابداعية ويقدم لنا رائعة من روائع ابداعاته
كما ساعرض ان شاء الله بعض نماذج الابداع من صور وقصص ورسوم وفيديوهات حتى تزيد من حالات الابداع لدينا
ملحوظة أخيره :
لا تستهن بما تبدعه ولو رأيته صغيرا فانت لا تعلم حجمه بالنسبة للاخرين
الاشتراك في:
الرسائل (Atom)